adehh ...

.

ari tu den nak poie ko satu tompek ngan bini den. bini den masuk keto yo den pun toruih la jalan. dah lambek ni ha.

jalan dopan skit den pun mcm beso nak isap rokok la. rabo kocek baju kek dado ...tak do rokok. rabo poket suar..kanan takdo. kiri takdo. ossah ehh tertinggal ni. den pun buek u-turn balik umah amik rokok..... sodap ehhh isap rokok.

tongah isap rokok tetibo tokak den raso koring ternatuk batuk. den pun nak minum air la. den capai botol air mineral water tu ... ehh ringan lak. la.... dah abih air ehhh. nak tak nak den buek u -turn balik ... sampai umah den suruh bini den poie isi an air mineral dalam botol tu .... dah setel sumo start balik la perjalanan.

tak lamo yo jalan den tanyo bini den yang duduk kek blakang ... tahu ko mcm mano nak poie tompek yg di tuju tu. bini den koba tak tahu...'ikut yo lah map dlm kad jemputan tu' koba ehh. den pun tanyo balik..."mano map ehh?". "ehh...atas meja depan tu...abang tak amik ke tadi?" bini den tanyo balik. sudahhh ... tertinggal lah ni. nak tak nak den kono la wat u-turn yang ke sekian kali ...

den pun masuk umah sambar kad jemputan/map ateh meja. erkk...sakit yut lak. den pun poie la melabur dulu. dah baih tu copek copek den kunci umah, masuk keto den pun toruih jalan. mulut den dah membebel-bebel dah ".... bla bla bli bli "peh ni apo yo yang tinggal tak koso den nak pusing. poie yo lah... bla bla bli bli ...." bini den sonyap yo takdo respons. anak anak den pun sonyap yo tercongang. tapi dah lamo tu sonyap gak... den toleh blakang ... ehh...takdo bini den!!!

"mano poie ehh omak kau ni?" den tanyo kek anak lelaki sulung den yg jadik co pilot.
"siram pokok munger ...." dio jawab.

adehh .... kono u turn balik ....

.